ديار خريطة الشعر الموريتاني

سيديا ولد هدار

أماكن بارزة: روصو

شاعر حساني، هو سيديا ولد مُحمد ولد هدار، ولد عام 1863م في أسرة عرفت بالبراعة في الشعر. اشتهر ببراعته في الغزل والنسيب، وبقاموس شعري يجمع البساطة والجمال.

المصدر: elmewzoun.com

قصائده

لغن
كان انشكت من باب الهم لعظم ماهْ أنِّ متهم
واشكارُ من نشكت لعظم عينيك وغمظت عينيك
اعل دمعه تتلاحك فم أفعينيك امن النشكه ذيك
ذاك اعليك من الخمر احرم وال ما بيح ذاك اعليك
من حد ايكد اعليه ايبيح امن اهلك راعي ذاك اظريك
تازبَّ ولل زاد انبيح لكليبه وللَ لبن ابريكْ

المصدر: tidinit.net

لغن
يحد التقدير إلَ جاك ابش ما كان امعاك ايّاك
تتارك من ش كان امعاك ما فيه التقدير وتختيرْ
اتر ذاك الثان وايْراك وتختير اعود افذاك الخير
اكد ايعود الخير افذاك كاع الّ مقدر يغير
محدن كاع اقدر حدْ تقدير وباحرْ فاش ادير
مالا تقديرَ فيهِ بعد أولى ممّا فيهِ تقدير

المصدر: tidinit.net

لغن
نعرفْ حد افْشَطْنَه بَعَّدْ عنْ حَدْ اُفَوَّتْ مارَ رَدْ
عَنُّ دَهْرْ اطْوِيلْ اُلاَگَدْ بيهْ الشَّطْنَه وُالْبِعْدْ اِجِيهْ
يِتْوَحَّشْ ذَاكْ الْحَدْ اَشدْ التُّحَاشْ اُتِنْظَنْ اعْلِيهْ
يغيْرْ ألّ مَا نَعْرَفْ حدْ يتْوَحَّشْ حَدْ اِرَاعِ فِيهْ

المصدر: tidinit.net

لغن
لعاد امنادم ماهُ فم من ذيك المدَّه يالتفهم
وانت واعدهم كول افيم لمنادم فم أوخر منهم
عن واعدهم وانِّ كم من مره لاهي نوعدهم
وإنِّ مزلت ألا منزاد واللِ وعدنِ بعد الهم
ألا شمنهم وال زاد حاكمن عنهم ش منهم

المصدر: tidinit.net

لغن
نبغ نركب من عند اندر اجمل لي راصُ متحظر
اننكب وكحت هاذ لبحر وانصيب العون ألعان
وانج من غد التنعمبر وانبرّك كبل الفطانه
عند اهل مْحمد ول عمر ويخلك سولان أسولانه
ويُعيّط للشيخ اور ذاك ويتخاصم هو وغلانه
وتنخط اصرند ايخلك هاك لعب اصرند، أنداغ آن

المصدر: tidinit.net

اندر · غير محدد بعد
لغن
اداغيك افلبلاد شايع ماه معتاد
وامتورك وجهك زاد واكفاك امع ذاك
مايل ماه متكاد يخلِهْلك مدغاك
امتورك وجهك عاد امميل عاد اكفاك

المصدر: tidinit.net

لغن
عاكب ذ ال لرات عند ملان ماه زين سعد
اتل ملاهي هح بعد بتشنشيحه يُلاغ
حد، أللاهي زاد حد فصرند اتل يداغ

المصدر: tidinit.net