شيخ لغن القرن التاسع عشر - العشرون

محمد ولد الشيخ أحمد ولد آدبه

القبيلة: كنتة الموطن: تكانت الفترة: - 1957

أماكن بارزة: تجكجة تيشيت نواكشوط

شاعر حساني شعبي ما تزال قطعه تُغنّى في السهرات. توفي سنة 1957 عن سبعين سنة، وكان مشهورا بالصلاح والفتوة والجود.

أماكن في شعره (2)

خريطة أماكنه

قصائده

عريكيب لغن

لعريكيب القالك فم أو ليليك أراه فيه اسهيب

كط اهل الراقب فيه اعطاو اسبوع افسهوت لعريكيب

نعرف يوم امن أيام الطل انهار امعدل فيه الظل

خليه ألا يوم امعدل من ليام انسيان عيب

انهار اجبار للمرحل لول ما شفت امن امراكيب

المرحل حد متحول فوك ركاكت كل اخبيب

عرض المزيد (12 بيت) طي

امعين بالمزل كفل لاه يعط فيه اتراييب

وارحل من كفل زاد انزل ماه ابعيد امكفل لسهيب

لعريكيب القالك فم آو... الفرع أخاظ عند دار

أدار من فم ابلا تكدار عن شرك امشيفرهم لكسيب

فيه اعطاو اليال تصبار ألا ينصاب اكبظت نصيب

ذيك الدار امن ال يندار منه ما تنعد افلحسيب

اكبير امن اديار اللعمار ألماسين بيه مصيب

ألماسيه في تحرار ولل ليل وبات اتغيب

عن عين درت اتغيب انهار من دار الفرع أيسو عيب

غير الوكر ال يسو عار ول ما عن كاع انصيب

أوعر فخلاك من لوكار

لعريكيب القالك فم آو...

المصدر: elmewzoun.com

عريكيب · غير محدد بعد

عريكيب لغن

قولك حق أوعدك لذاك صدق أذاك أفلكتاب انجاب

وافلكتاب آمرت ابدعاك وعدت افلكتاب أبلجاب

يارب لك بيك اتوسلت واتحصنت امن الكاره واتـ

همت أن فامنين اتحصنت بيك امن الكاره عاد اسراب

وامن اشقاب ال هاين كنت بال رحت من كل اشقاب

رحت أذاك الباب ال شفت درتك تفتحل ذاك الباب

عرض المزيد (8 بيت) طي

نجم غاب امنين اتفكدت اتفكدت ان نجم غاب

راص شاب أبمنات عدت واحشمت امن أن راص شاب

ماش طلاب ألا سكنت مسل عت أفاصل فاحجاب

وافلرباب الغيرك فرطت افرجاهم مادرت ارباب

دونك ماه صواب اكعدت انحان ذ الكلت افلكتاب

من لجاب أل بيه أوعدت مزلت أفحنويت لجاب

بيك أراج يكراب افصلت افلجاب ابجاهك يكراب

يل كنت اقديم أمزلت وامعنك ما فيه تكذاب:

المصدر: elmewzoun.com

لغن

عند انخيلْ امحيميد دارْ فالكيطانَه كلْ انهارْ

ماطار اللهو ولاامرارْ لخبار اعل تاليهَ

فيهَ واللهو امنين قارْ ماقار اللهوامجيهَ

هيَّ فيهَ واكداتْ نارْ الدار ولمقلِّيهَ

حزم الياليهَ بيهْ قارّ ذيك الدار لياليهَ

بيظْ, انجيهَ وبلا اكدار تحرار امن اهاليه

عرض المزيد (4 بيت) طي

موجب نسميه جيت مار ابنار بيهَ واعليهَ

أتراريه لرياح عار عت اعلي نسميه

عت انجوليه مانكد امنين اوخظت اعليه

يكطع بيه ماريت حد امن اهاليه فيه

لغن

دمع العين اليوم ابلا فيه اجميل اعلَ سبّت لكتيل

فرْظْ إسيل ءُ لگبيل اعليه فرْظْ إسيل ابلا فيه اجميل

تفگاد الحلَّه سهَّانِ تجلاجُ عن بعْدْ أوطانِ

مانِ متفگّد شِ ثانِ، واللَّ تايب لك يالجليل

احجلِّ شِ ثانِ مانِ ناسيه اتفگَّدتُ ثقيل

دهر امگيل الناس اتحانِ حر الصيف إفوت افلمگيل

عرض المزيد (3 بيت) طي

لگبيل افلگصر متگانِ هانِ ماهُ فالصيف ارحيل

إحانِ لخظار ءُ هان فالظل ءُ متلاحگ لگبيل

ابكيلك يالعين أرانِ طيتك لذن افتبكِ وِ اسيل

المصدر: مدونة إكس ول إكس إكرك

لغن

كانْ إكْحَيِّلْ تِشْنَ مرفوعْ عنْ لبْياظْ ءُ لبْياظْ إصُوعْ

لكْحَيِّلْ دَايِرْ فيهْ اطلوع واطْلعْ فوْگُ عادْ اغْفافيرْ

عادْ ابْياظُ فإكْحالْ اظلوع تشْنَ والغردْ إلْتشْنَ دَيرْ

عادتْ عنْدِ منْ ذاكْ النوع تشْنَ ف اصراب البعد اتنير

كيف الدماس الِّ مظلوع بشِّ ذَ لبيظ من لحرير

المصدر: boutilimit.net

لغن

ٱلِّ فگدُ رَيْظَ وٱحْزيمُ ما يَبْرَ

تِيمُجيجْ البيظَ ؤتيمُجَيْجْ الْخَظْرَ

عند انخيلْ امْحَيْمِيدْ اگبيلْ طيتْ ٱمْگِيلْ ؤحانَيْتْ الليلْ

وٱرْكَبتْ ؤطَيتْ ٱبلا تعطيلْ عندْ ٱنخيلْ ٱجّالَ مُطلاگْ

فِتطْراگ ؤفات ٱفْذِ الحيلْ الليلْ ؤلا گِبْلِتْ لَخلاگْ

كُونْ ٱفْجَالِتْ لعناگ ٱمگيلْ تعطيهْ ؤهاذَ حالْ اتفاگ

عرض المزيد (3 بيت) طي

ما كارهْتُ لَخلاگ ٱنخيلْ ٱمْحَيْمِيدْ ؤجالتْ لعْناگ

ذَ ما فيه الوكرْ إحياكْ إيلَ ذاكْ افگايعْ واخلاگْ

منُّ لاهِ تظياگْ أيّاكْ عاگبْ ذاكْ امّلِّ تِظياگْ..

المصدر: مدونة إكس ول إكس إكرك

لغن

فيكْ ٱصْدِيگ إلى شفتْ ٱفْرِيگْ لِمراحلْ وٱرْگبْتْ ٱمْن ٱظِّيگْ

ٱلْ لِفْريگ ؤطَيتْ ٱطَّوْلِيگْ فَمْ افْلِمْتَيْمَشْ تِتنَيْمَشْ

شَوفتْ لِمْتَيْمَشْ فيك ٱصْدِيگْ يَلْعَگلْ ؤهِيَّ لِمْتَيْمَشْ

وٱمْتَيْمَشْ شَوْفتْ زادْ ٱفرِيگْ ٱصديگْ ٱفسهْوِتْ لِمْتَيْمَشْ.

المصدر: مدونة إكس ول إكس إكرك

لغن

يلال كانك يتيوي شكيت ولل تيرذي

عن ما نعطيكم فاودي إنيم واكليب أكرافيف

ولل كان نظن اعلي باتريون ذيك التلي

بان مانعطيه هي فأكفس وأنوار المزيريف

وارج واظليعت لكلي سبحان العزيز اللطيف

في الحك أن هاذ لوكار كايل حته ماهي بالسيف

عرض المزيد (1 بيت) طي

كاني مانعطيهم فأطار باشوي والكفل كيف السيف.

المصدر: مدونة إكس ول إكس إكرك

خريطة أماكن القصيدة (1)

المزيريف · غير محدد بعد