خريطة الشعر الموريتاني
هاذ لعلاب الجات ابهار
من ساحل هي والتيار
امنين أل كامت تذار
واكتن سهوات التقاد
انطرحت يكون أبزار
قالب مزال الهداد
المصدر: elmewzoun.com
أربان ولد أعمر ولد محم
أماكن بارزة:
كيفة
وُلد أربان تقريبًا في سنة 1900 ميلادية في قرية كلير التابعة لمقاطعة باركيول بولاية لعصابة. اسمه الكامل أحمادو ولد أعمر ولد محم، ويُلقّب «أربان». توفي سنة 1980م في نواكشوط.
المصدر: elmewzoun.com
قصائده
مَتْيَقَّنْ عَنِّ يَالْمَتِينْ
مَنْ دَقْفَكَـْ لَكْرَاكَل لَثْنَيْنْ
لَعْبَيْدْ الرَّحْمَنْ الثَّنْتَيْنْ
لَلْجَامْ الظهر لَكَـْصِير
مَانِ لَاهِ نَكَـْطَعْ شَبْرَيْنْ
مَاشَفْتْ اعْلِيهُمْ مدِيــر
نَعْرَفْهَ وَللَّ مَرْجَعْ بَيْنْ
لَخْيَامْ افْمَنْزَلْ تَذْكِير
أُهَاذَ بْلْ ارْمَادْ النِّيرَانْ
دَارْ امْعَانَ وَلْ اعْمَيْرَ
أُهَاذَ هُوَّ لَحْشِيشْ الْ كَانْ
مَنْشُورَ فَوْكَـُ لَحْصَيْرَ
المصدر: elmewzoun.com
هاذ الدهر اتف بيه
مارت عن غدار
امارت ما تور فيه
حلاو ما تمرار
خظت اعل دار اليوم
أهل أي يالقيوم
اشفت أكوم التيدوم
لمسهـــو كان الدار
محروم أعاد احموم
سبحــــانك يالقهــار
معود حراك أكوم
مـــاه فــاهم لخبار
المصدر: elmewzoun.com
هاذ لوتد لخظر لكبير
ال متول لحميمير
نعرف نوب مزلت اسغير
نزلت لامتن هون احذاه
اذيك النوب تشرب لغدير
مزال أش معطيل ماه
عارف يالبال أن التجال
ال فالجماني مزال
فم أعارف عنه يالبال
مسيله بينات واخظ
لكليب ال شرك ابذ الحال
فم أفم ابلد لماخظ
عرض المزيد (2 بيت) طي
واكليب التماي ما حاد
ياليعملن ما نواخظ
عن بل والتيدوم زاد
الماخظ مزالت ماخظ
المصدر: elmewzoun.com
عارفْ يَلْبال ان التَّجالْ
الْ فاجملانِيَّ مزالْ
فَمْ ، وعارف عنها يلبال
مَسْيَلْها بَيْناتُ واخِظْ
ولِكًْلَيْبْ الي شَرْكًْ ابذي الحال
فَمْ ، وفَمْ ابلد لِمَّاخِظ ،
واكًْلَيْبْ التَّمَايَ مَحَادْ
يَلْ يَعْمَلْني ما نُواخِظْ ،
عن بَلُّ ، والتيدومَ زادْ
الْمَاخِظْ مَزالتْ ماخِظْ
راصِ ذَلِّي حاملْ من عود
عالِمْ بعد الحي المعبود
انُّو صاعب واثقيلْ وكَوْدْ
حملي بيه وكًاسِ واقْرِيشْ
اني ما نِكًْدِرْ كنتْ انعود
سابكًْ. ذَ نرفد عُودْ احشيش
قَيْرْ اثقل من ذَ يلمعبود
الصَّيْفْ اعْكًَبْ ، واظْلامْ أنِيشْ
واخظارو لِكًْرَايِرْ فِ(امْبُودْ)
وانْزَاحِتْ فِرْكًانْ ايدَوْعِيشْ
وكًَلِّتْ زاد ارْجِلْ حد ايعود
كانْ ايْجيبْ اخْبَارْ (ابَّعَيْشْ)
فرعْ اجَّرْكْ الْ مَسْيَلْ لِعْبَارْ
الي فيه اجَّرْكْ ولَحْجار
وايْجُوهْ امْسَايلْ من حِمَّارْ
لَحْرَشْ ، ذاكْ الْمَسْيَلْ نبقيه
بِيَّ نعرف فيه آنَ دار
نَعْرَفَّ فِدَّهْرْ اتقليهْ
احْسَنْ بِيهَا ذا الدهر وصَدْ
اكًْبَلْ ، قيرْ الدهر أتفو بيه
ما يَحْسَنْ بَيَّام اعلَ حدْ
ما بَيَّامْ اخْرَ ساءْ اعليهْ
كالحمد الي منزل لعلابْ
دهرُ فات ءُكَفّات اسحاب
لخريف أطافِ عاد اشهاب
لخريف و حرْكت ياج ورَه
وافرق باس الخيل الّرْكاب
المنهم كانت معذوره
و اخلطْ برد الليل و لمظل
و ارياح السّهوَ مهرورَ
و اخلَطْ زاد اگِليو و ظل
الخيْمَ هيّ. وامور
المصدر: tidinit.net