خريطة الشعر الموريتاني
حَدْ اصِيلْ افْتگانِتْ شامْ
نافدهَ لاگِ عنهَ عام
واعملْ بلْياليهْ ؤلَيَّام
لين الْحَگ مِنْهَ بَل امْنَيْن
عادْ إبانُ لُ رُوصْ اخشامْ
اكْدَ تگانت متْحَدِّينْ
فالغَبْيْ اعليهم هاك اغمام
ؤهومَ زادْ ألَّا مَشْيوفينْ
يَطْرا لُ شِ يَغْلَبْ لَفْهام
گولانُ كُونْ الِّ فِالْحِينْ
مَا يَبْگ شَوْقْ أدْرَسْ مَا گامْ
ؤلا يَبْگ فِالْعَيْنِينْ اخْزِينْ
عرض المزيد (3 بيت) طي
ؤلا يَبْگَ مَنظومْ افْلِكْلامْ
مَا جَاوْ ألفاظُ مَنظومِينْ
ؤيَبْگ ما وَدَّ حَقْ اترابْ
ماهِ كِيفْ اتراب اخْرَ زَينْ
ؤلا حق امَّلِّي زاد احْبابْ
ما يِنْجَبْرُ فِاتْرابْ اخْرَيْنْ