خريطة الشعر الموريتاني
من شِ يحشِمْ كامل محروم
طبعك زين ؤ لفظك محكوم
شِ گلتُ موتوگ ؤمبروم
معلوم ؤ نزيه ؤ سلطان
فِعلَك معلوم وفيك اعلوم
غِلظْ الحَسْبْ اعلَ كلْ ازمان
غلظك حگ ؤ لانك مليوم
بيه وعندك لُ تِيوتّان
اعظم راجل فارس مسموم
زدّاف ؤمفتوح أژوان
فعلك زين ومستطفل لّومْ
مَ گاع انتَ ما يُورَ شان
عرض المزيد (34 بيت) طي
افذو العربان اتلَ معلوم
بيه انّ شانْ افذو العربان
فيك الجراءة والقُدوم
واتمعليم الگلب الِّ سان
بيه اعلَ شكرك ياسَلّوم
ريتْ اعليه اللِّسنَه تِسّان
ؤ رَيتْ اعليه إلساني معلوم
اليوم وريتْ اعليه إلسان
ؤ ريت اعليه اگبل زاد اليوم
گاع ابكِلْ إلسانْ التلسان
وآنَ يسيدي أحمدشكريلْ
لَكْ گاع ؤ لَهلَكْ فيك أصيل
عندِ لُو برهان ؤ دليل
أمتن من دليل ؤ برهان
مطلوگ أعلَ أحمد بوك اگبيل
المطلوگ افسيديأحمد بان
سلطان امطلوگ افلفظيل
سلطان ؤ شَنّانْ السلطان
سيد أحمد ذاك إلِّ عقيل
ذاك إلِّ مطلوگ افعثمان
ذاك إلِّ مطلوگ افلفظيل
ذاك إلِّ مطلوگ افشَنان
ولْ أعلِ ولْ أحمد تفضيل
اعليه العربان أبدَ مانْ
اللّ گاع أراحْ أمنْ الويل
ماهو خالگ مانَلَّ كانْ
أفمَدْ المالْ إلِّ جزيل
ؤ فلغلظ ؤ فالرفعَه والشان
مارت عنك عين ؤ فضيل
هذا من لَفاضل لَعيان
فلِّ من لايحْ راصْ السيل
للحوظ التگانت لأگان
الأورطَيْلْ إلين افرطَيْل
لانجَران إلين اژران
التنيَفيل التنيِشْفيل
لانغران إلين امزان
ماكيفكْ عربِي بسْمِنحيل
هَذاك اطويلْ إلَ غيلان
ولّ زاد الجّعفريَّ
ولّ گاع احيَ من عثمان
جيت امسنّد فيك اغويّ
واملبّگها داير تهوان
گاع الاّ خير إلْ بُوگِيّ
كانت واشْگال افذَ الزمان
لا بدّ من مِيتْ اوگِيّ
هيّ شرط الكل ؤعجلان
ومن خادم زينَه معطيَّ
خادم تِربيّه ولّ نانْ
نمِيّه زينَه فوگانيّ
ؤلا بُدْ امن امراكيبْ امتان
ؤمن كسوَه فيها عِكليّ
ؤعِكّه مَُربّ وإيگِرطان
ولا يخطَ زاد امن اغويّ
ما تحتاج اتعود الدّوران
ولْحَگْنِ زادانَ نلگاك
وِكتنْ ماجَ طامعْ ماجاك
فتراويغك للشّانْ ايّاك
اتراويغك للشّان امعانْ
نَصارَى ويّ عربان امعاك
وانتَ باشِتْ ذيك العربان
وادخولَكْ ذاكْ الليلْ اوراكْ
عربان وعِتْ انتَ فَتان
افلبِّطانْ ادخولَك ذاك
الگافْ إلْ گِلت افْلَبِّطان
من ذيك الساعَه آنَ نرجاك
إيلَ ظرك ؤ لاهِ تظنان
ولّ تظنان ألاّ يَكفاك
إيلَ جيتْ افْذاك إلِّ ظان